首页
受揸豆叶十二皮，一日想你十二时，一月想你三十日，年头想你到年尾。
想你一番又一番，一日唔得一日满，上昼唔得午时过，下昼唔得日落山。
三步行来两步企，三餐食饭都想你，大石底下生竹笋，几多暗想你唔知。
日里想你头低低，夜里想你到鸡啼，流尽几多暗目汁，枕头席子生乌鸡（霉）。
因为想你想到晕，火烟上天涯花云，砻谷涯话雷公响，吹风涯话妹拍门。
因为想你想到昏，鹅卵石子当作春，一日三餐扛起饭，只晓笑来唔晓吞。
因为想你想到狂，洗身唔晓入浴堂，食饭唔知哪张桌，睡目唔晓上眠床。
因为想你想到痴，六月天光盖棉被，九冬十月拔扇子，天晴瓦敛着蓑衣。
因为想你想到颠，石头瓦片当作钱，三月清明作过节，九月重阳作过年。
因为想你想得多，面前有凳唔晓坐，行路唔知高低坎，吃饭唔知谷沙多。
日想夜想想亲哥，唔得团圆共凳坐，朝晨想到月光出，夜里想到日上坡。
日出东边落在西，妹子日夜都想你，鲤鱼食到虾公脚，几多委屈无人知。
想你一番又一番，一日唔得一日满，上昼唔得午时过，下昼唔得日落山。
三步行来两步企，三餐食饭都想你，大石底下生竹笋，几多暗想你唔知。
日里想你头低低，夜里想你到鸡啼，流尽几多暗目汁，枕头席子生乌鸡（霉）。
因为想你想到晕，火烟上天涯花云，砻谷涯话雷公响，吹风涯话妹拍门。
因为想你想到昏，鹅卵石子当作春，一日三餐扛起饭，只晓笑来唔晓吞。
因为想你想到狂，洗身唔晓入浴堂，食饭唔知哪张桌，睡目唔晓上眠床。
因为想你想到痴，六月天光盖棉被，九冬十月拔扇子，天晴瓦敛着蓑衣。
因为想你想到颠，石头瓦片当作钱，三月清明作过节，九月重阳作过年。
因为想你想得多，面前有凳唔晓坐，行路唔知高低坎，吃饭唔知谷沙多。
日想夜想想亲哥，唔得团圆共凳坐，朝晨想到月光出，夜里想到日上坡。
日出东边落在西，妹子日夜都想你，鲤鱼食到虾公脚，几多委屈无人知。